дөнен

Дөнен атан. Төрт жасқа толған атан. Одан әрі түйенің піштірілген еркегі – құнан атан немесе атанша, д ө н е н а т а н, бесті атан, атан делінеді (Соц. Қаз., 18.10.1981, 4). Дөнен бұқа. Төрт жасар бұқа. Тайынша бұқа – бір жастағысы, құнан бұқа – екі жастан асқаны, д ө н е н б ұ қ а – үш жасары, бесті бұқа – бес жасары, құжбан бұқа – жеті жастан асып жетілгені (Қаз. этнография., 1, 552). Дөнен қымыз… Қымыздың құнан қымыз, д ө н е н қ ы м ы з, бесті қымыз, қу қымыз, у қымыз деген түрлері бар (Жалын, 1973, 1, 84).